List á Hótel Rangá
list innblásin af Íslandi
List á Hótel Rangá
Við erum hreykin af framlagi íslenskra listamanna á hótelinu, þar sem fjölda fallegra listaverka er að finna. Í nær öllum herbergjum eru einstakar veggmyndir, innblásnar af íslenskri náttúru: hestum á stökki, værukærum sauðkindum, dýrlegum lúpínubreiðum að ógleymdum persónum og atvikum úr Íslendingasögum. Svíturnar geyma líka fagra handverksgripi og listaverk hvaðanæva að úr heiminum. Við leitum til listamanna og fagurkera þegar við veljum inn verk sem prýða hótelið svo gestir okkar megi njóta einstakrar skemmtunar, munaðar og þæginda.
Veggmálverk
Í nær öllum herbergjum eru einstakar veggmyndir eftir innlenda listamenn, innblásnar af íslenskri náttúru: hestar á stökki, værukærar sauðkindur, dýrlegar lúpínubreiður að ógleymdum persónum og atvikum úr Íslendingasögum. Listamennirnir fengu algjörlega frjálsar hendur og því er útkoman einstakt listagallerí og hvert herbergi eins og sjálfstætt listaverk.
